Los mozos talentos asturianos Juan Cossío (flauta) y Andrés Rubio (guitarra) presenten Viaxe d’ida a Buenos Aires, un recital que xune dos instrumentos d’enorme espresividá nun percorríu musical que viaxa dende’l romanticismu y l’impresionismu europeos hasta los tangos vibrantes d’Astor Piazzolla.

El programa inclúi tanto obres conocíes como auténtiques xoyes escondíes, amosando la versatilidá y el virtuosisimu del dúu. Cossío, flautista y divulgador musical, ye un especialista nel repertoriu pa flauta y guitarra, ente que Rubio, mozu prodixu de la guitarra, ganó dellos premios y debutó como solista cola Orquesta de RTVE en avientu de 2024.

Xunto a ellos participará tamién el bailarin y coreógrafu asturianu Pablo Dávila, ganador del Premiu Oh! al meyor intérprete masculín nos años 2020 y 2022, que va aportar el so llinguaxe corporal a esta esperiencia musical inesquecible.