La cantante madrilana Alice Wonder, una de les voces más singulares y emocionantes de la escena musical actual, llega a Xixón con un conciertu que yá se convirtió nun referente pa la mocedá y pa quien sigue de cerca la evolución del pop alternativu contemporaneu. Dende 2014 vien construyendo una trayeutoria sólida con discos como Zigzag y Que se joda todo lo demás, que la asitiaron ente los proyectos emerxentes más destacaos del país.

La so participación nel Benidorm Fest 2023 supunxo un puntu d’inflexón y dio proyeición internacional al so trabayu. Cola publicación del so tercer álbum, Fire Kid, abre una etapa creativa nueva, na que s’afonda en sonoridaes que beben del jazz, el pop y el soul, amosando una versión más llibre, fonda y auténtica de sigo mesma.

Una ocasión perafayaíza pa descubrir —o redescubrir— a una de les artistas más personales del panorama musical estatal.