Hai un sieglu, Ramón María del Valle-Inclán yá intuía lo que güei confirma cualquier llinia de tiempu: un bulo bien tiráu pue estropiar una vida ente dos parpayeos. En Los cuernos de don Friolera, un militar recibe un anónimu velenosu sobre la so muyer y empica nun torbellín de celos, honra y decisiones tan desatinaes que suenen, la verdá, peligrosamente actuales.

Valle-Inclán pásalo bomba entemeciendo traxedia y humor afiláu: ecos de los rapsodas griegos, travesures de teatru de títeres, honra calderoniana, celos a lo Shakespeare y un toque d’ese distanciamientu que dempués fadría famosu Brecht. Too ello baxo la mirada siempres desperta del pueblu, que comenta, xulga… y ríese per lo baxo.

Un clásicu que vuelve como un espeyu incómodu pero divertidísimo: Sigui mos cayendo nes mesmes trampes… pero agora con Wi-Fi.