El Meidinerz Jazz Club acueye un conciertu protagonizáu por Bandolero, figura clave de la percusión flamenca contemporánea y referente nel diálogu ente’l flamencu y el jazz. Con más de trenta años de trayeutoria, participó en proyectos fundamentales de la música n’España y collaboró con artistes de primer nivel internacional, como Lenny Kravitz, Ricky Martin, Chano Domínguez, Antonio Serrano o Dave Holland, amás de grandes nomes del flamencu como Enrique Morente, Pepe Habichuela, Jorge Pardo, Sara Baras o Diego “El Cigala”.

Nesti proyeutu, Bandolero propón un alcuentru direutu ente’l jazz y el flamencu, entendíos como llinguaxes hermanos, abiertos al ritmu y a la improvisación, con un soníu propiu y plenamente contemporaneu. Pa ello ródiase de dos músicos d’altu nivel: el pianista Álex Conde, unu de los referentes actuales del flamenco-jazz, con formación en Berklee College of Music y una sólida carrera internacional, y el trompetista Enrique Rodríguez “Enriquito”, con un estilu bien personal y un percorríu que se mueve con naturalidá ente’l flamencu, el jazz y la música popular.

El resultáu ye un tríu d’enorme enerxía y complicidá, onde ritmu, virtuosismu y emoción xúntense nun direutu intensu y bien comunicativu.