Si yá tienes butaca y quies participar nel maridaxe de cerveza y nel alderique posterior, pues contautar con Vivalabirra per corréu electrónicu (correo@vivalabirra.com) o per WhatsApp (+34 673 617 602), indicando’l to nome y el númberu de butaca.
L’aforu ye llindáu hasta completar la sala, pero si tienes butaca, tienes plaza.

Preciu del maridaxe de cerveza: 6 € (inclúi vasu oficial).

Inglaterra, sieglu XIII. En plenu Medievu, les fuercies del mal dominen la tierra ente que caballeros y aldeanos atemorizados prepárense pa una batalla desigual. Too camuda cola llegada d’un héroe inesperáu, equipáu con teunoloxía del sieglu XX. Dirixida por Sam Raimi, Army of Darkness amesta terror, aventura y comedia nesta película de cultu, capítulu final de la triloxía Evil Dead, especialmente afayaíza pa una proyección compartida siguida d’un maridaxe de cerveza y alderique.