Ópera en cuatro actos con música de Georges Bizet y llibretu de Henri Meilhac y Ludovic Halévy, basada na novela homónima de Prosper Mérimée. Carmen estrenóse na Opéra-Comique de París el 3 de marzu de 1875 y llegó al Teatru Campoamor d’Uviéu el 5 d’ochobre de 1894, convirtiéndose dende entós nún de los títulos más populares y más representaos del repertoriu operísticu.

Cola so inconfundible mezcla de pasión, destín y rebeldía, y con aries tan reconocibles como la Habanera o la Canción del Toreador, esta obra maestra del opéra comique sigue conquistando al públicu pola fuercia de los sos personaxes y la vitalidá de la so música, que combina elementos populares y dramáticos con una gran eficacia teatral.