El proyectu Lucía Martínez & The Fearless reflexa a la perfeición el calter llibre, ecléuticu y fondamente espresivu de la so líder, la percusionista y compositora gallega Lucía Martínez, una de les figures más singulares del jazz européu actual.

Anque l’afectu poles sos raigaños y la reivindicación del patrimoniu popular siempres tienen un llugar nes sos propuestes, Martínez nun duda n’incorporar influencies bien diverses, aparentemente dispares, venceyaes con naturalidá y ensin nengún prexuiciu. El so proyectu berlinés xunto a The Fearless (Los Sinmiedo) ye un bon resume de too ello: de Sergio Leone a les melodíes klezmer, y d’ehí a Bruce Lee.

La instrumentación, escoyida con mui bon criteriu —clarinete baxu, trompa, electrónica ya inclusive un set de DJ— amplía les posibilidaes espresives y crea un universu sonoru ricu en testures y matices. Jazz contemporaneu con elementos de música improvisada que nos amuesa a Lucía Martínez nunu de los meyores momentos creativos de la so trayeutoria.
Una propuesta potente, suxerente y, como nun podía ser d’otra manera, ensin mieu