El xueves 26 de febreru de 2026, a les 19:30 hores, el públicu va poder esfrutar d’una zarzuela en tres actos con llibretu de Luis Mariano de Larra y música de Francisco Asenjo Barbieri, estrenada orixinalmente nel Teatru de la Zarzuela de Madrid el 18 d’avientu de 1874. La función preséntase nuna producción del Theater Basel (2025), que ufierta una cuidada y actual llectura escénica d’esti clásicu del repertoriu llíricu español.

La direición musical ta a cargu d’Óliver Díaz, con direición d’escena de Christof Loy. El equipu artísticu complétase cola escenografía de Manuel La Casta, la iluminación de Valerio Tiberi, el vestuariu de Robby Duiveman y la coreografía de Javier Pérez.

El repartu ta encabezáu por Carmen Artaza nel papel de Paloma y David Oller como Lamparilla, xunto a Cristina Toledo (Marquesita del Bierzo), Santiago Sánchez (Don Luis de Haro), Alejandro Baliñas (Don Juan de Peralta), Joselu López (Don Pedro) y Marcelino Echevarría como guitarrista.

La interpretación musical va correr a cargu de la Oviedo Filarmonía y del Coru Capilla Polifónica “Ciudad de Oviedo”, que van dar vida a una de les obres más representaives del xéneru.