La actriz Anabel Alonso protagoniza La muyer rota, una intensa propuesta teatral basada nel conocíu testu de Simone de Beauvoir.

La obra asítianos na nueche de Nuechevieya. Murielle queda sola na so casa, ente que los ruidos de la cai y les celebraciones de los vecinos nun-y dexen dormir. Nesa vigilia, los recuerdos afloren y enfréntense a un presente desolador y a un futuru que nun paez traer munches certeces.

Ente lo perdío, lo arrebatáu y les feríes del pasáu, Murielle muévese nun espaciu emocional onde conviven la fragilidá, l’humor y la llucidá. La so traxedia —que tamién tien momentos de comedia— fixo añicos la so autoestima como muyer, como esposa, como madre y como fía.

Con una interpretación intensa y llena de matices, Anabel Alonso da vida a esti retratu íntimu sobre la identidá, la memoria y la capacidá de resistir incluso nos momentos de mayor vulnerabilidá.