Uviéu va acoyer nes próximes selmanes Oviedo Jazz Europa, un alcuentru impulsáu por Kairos Music que va convertir la ciudá nun espaciu d’intercambiu cultural y musical ente Asturies, Europa ya Iberoamérica utilizando’l jazz como llinguaxe común.

La iniciativa va xuntar conciertos, meses redondes y alcuentros profesionales con artistes, programadores ya instituciones culturales llegaes de distintos puntos d’Europa.

Ún de los momentos centrales va ser Jazz About Bach, el próximu 25 de mayu nel Teatru Campoamor. Baxo la dirección artística del saxofonista y compositor cubanu, la propuesta establece un diálogu ente l’universu musical de Johann Sebastian Bach, la llibertá creativa del jazz y una marcada sensibilidá cubana.

L’espectáculu propón una reinterpretación contemporánea delles pieces más conocíes de Bach al traviés d’arreglos orixinales de Brínguez. Sobre l’escenariu van tar tamién el so quintetu, la Orquesta de Cámara Solidaria (OCAS) y el Coru de Voces Blancas del Nalón, dirixíos por Pedro Ordieres.

Programa

• 25 de mayu · Teatru Campoamor

20:30 h | Jazz About Bach
Ariel Brínguez Quintet · OCAS · Coru de Voces Blancas del Nalón.
Dirección: Pedro Ordieres.

• 18 de xunu · Edificiu Históricu de la Universidá d’Uviéu

16:00 h | Inauguración d’Oviedo Jazz Europa
16:30 h | Asamblea Plataforma Jazz España
18:30 h | Presentación del estudiu sobre festivales de jazz n’España
Con Marina Fernández y Rubén Gutiérrez. Entrada llibre.

• 18 de xunu · Sala de Cámara del Auditoriu d’Uviéu

21:15 h | Conciertu AKNOT
Marco Martínez · Adra Karim · Ian Morris.

• 19 de xunu · Edificiu Históricu de la Universidá d’Uviéu

Meses redondes sobre jazz ya identidá cultural europea, el procesu creativu de Jazz About Bach, la rellación ente Iberoamérica y el jazz, amás d’intervenciones musicales y poesía.

• 19 de xunu · Sala de Cámara del Auditoriu d’Uviéu

19:30 h | Conciertu · Jorge Viejo Quartet

• 25 de xunu · Pozu San Luis · Llangréu

13:00 h | Jazz About Bach
Dirección: Manuel Paz.