Dónde no imaginas ye una propuesta de Puxa el Barrio, el programa d’Uviéu 2031 que lleva la creación artística a distintos barrios y centros sociales del conceyu.

Coordináu por LluPA ACTS (Llaboratoriu de Práutiques Artístiques ARTE-CIENCIA-TECNOLOXÍA-SOCIEDÁ), el proyectu convida a vecinos y vecines a mirar d’otra manera los llugares que formen parte de la so vida cotidiana. Al traviés del diseñu, la ilustración y el paisaxe sonoru, recuéyense histories, alcordances, soníos y esperiencies venceyaes a cada entornu pa tresformalos nuna creación colectiva.

La propuesta desenvuélvese nos centros sociales d’El Cristo II, col artista Juan Falcón, y Villa Magdalena, con LoFácil, formáu por María Barrena y Carlos de Arquer.

📍 El Cristo II y Villa Magdalena