Continúen les meses participatives con una nueva xunta nel Centru Social de Campomanes

Seguimos celebrando alcuentros pelos barrios con una nueva mesa participativa nel Centru Social de Campomanes. Representantes d’asociaciones vecinales, grupos folclóricos, comerciantes y entidaes culturales compartieron idees ya esmolecimientos col equipu promotor de la candidatura d’Uviéu a Capital Europea de la Cultura 2031.

Na xunta tratáronse temes y preocupaciones importantes de la comunidá, como la meyora de l’accesibilidá nos espacios públicos, l’estáu d’abandonu de dalgunes zones verdes o un proyeutu de recuperación del usu del asturianu, col oxetivu de fortalecer la identidá llingüística de la rexón.

Dende la organización de la candidatura destaquen l’altu grau d’implicación vecinal y la bona acoyida que ta teniendo la iniciativa en tolos barrios que se visitaron hasta agora. Esti tipu d’iniciatives son fundamentales pa construyir un Uviéu más participativu, inclusivu y enllenu de cultura. La participación ciudadana sigue siendo un pilar nel procesu hacia Capital Europea de la Cultura 2031