Uviéu presenta la so nueva imaxe y llema como candidata a Capital Europea de la Cultura 2031

Uviéu presentó oficialmente la so nueva identidá visual y el llema de la so candidatura a Capital Europea de la Cultura 2031: Puxa Europa, The future is now. L’actu tuvo llugar na Fábrica d’Armes de La Vega y contó cola participación del alcalde d’Uviéu, Alfredo Canteli, y del direutor de la candidatura, Rodolfo Sánchez, que destacó l’usu del asturianu como valor cultural y europeo.
Tamién intervinieron la directora artística del proyectu, Natalia Simó, y la conseyera de Cultura del Principáu d’Asturies, Vanessa Gutiérrez, que defendió la cultura como un derechu de tola xente.
El equipu creativu Los Patos, formáu por Inés Iglesias y Matteo Mastronardi, presentó el nuevu logotipu y esplicó el procesu de creación y el so significáu. Amás, lanzóse una convocatoria abierta pa recoyer iniciatives culturales que refuercen la propuesta d’Uviéu.
Tola información ta yá disponible en www.oviedo2031.eu.