Del 4 al 6 de xunetu | Bueño | Entrada llibre y de baldre

El primer fin de selmana de xunetu, Bueño suena a jazz cola celebración de la 23 edición del so Festival Internacional de Jazz, una cita imprescindible pa les persones amantes d’esti xéneru y pa cualesquier que disfrute de la música en directo al campu.

A lo llargo de tres díes, el pueblu acoyerá cinco conciertos con dalgunes de les figures más destacaes del panorama xazísticu actual. Na programación d’esti añu tán nomes como Antonio Lozano Quartet, Jesse Davis Quartet, Green River Blues Band, Trío Valdés Legacy, Jazzucar Ensemble Quintet, Blue Hour y Mario Morla Quintet, ente otros.

El festival arranca’l vienres pela nueche, sigue’l sábadu con sesiones a mediu día y pela tarde, y cierra’l domingu con una xornada de conciertos que s’allargará hasta les cinco de la tarde.

Una propuesta cultural abierta a tol públicu, con entrada llibre y n’escenariu inmejorable pa dexase llevar pola improvisación, el ritmu y la enerxía del meyor jazz en direuto.