Del 1 al 22 de xunetu | Llunes, 19:45 h | Entrada: 3,50 €

Esti mes de xunetu, Cines Embajadores Foncalada presenta Cine n’asturianu, un ciclu de cine en versión orixinal con subtítulos n’asturianu que apuesta pola normalización llingüística dende la pantalla grande. Organizao en collaboración con Verbéu, Asociación de Traductores Profesionales n’Asturianu, el ciclu ufierta una nueva manera d’averase al cine contemporaneu al traviés de la llingua asturiana.

Una propuesta pionera n’Uviéu que reforza’l papel del asturianu nos espacios culturales del presente y que convida a disfrutar de grandes histories nel so idioma orixinal, acompañaes de subtítulos nuna llingua propia, viva y n’espansión.

Películes programaes:
🎞 All We Imagine as Light (Payal Kapadia)
🎞 Fallen Leaves (Aki Kaurismäki)
🎞 Por too lo alto (En fanfare, Emmanuel Courcol)
🎞 The Substance (Coralie Fargeat)

Un ciclu diversu, actual y comprometíu cola cultura y cola llingua asturiana.

Entrada xeneral: 3,50 € | Aforu llindáu