Dos sesiones de cine mudu inviten a redescubrir l’universu cómicu de Buster Keaton, con acompañamientu de pianu en direutu a cargu del músicu Ricardo Casas.

El 14 de marzu proyéctase El navegante (The Navigator, 1924), una de les comedies más conocíes de Keaton. La historia empieza cuando un armador vende unu de los sos barcos a un país que ta en guerra con otru. Axentes del país rival planeen sabotiar la operación y dexar el navíu a la deriva pa que naufrague. Ensin saber nada d’esti plan, Buster y la fía del armador —de la que ta enamoráu— embarquen nel barcu, entamando una travesía tan absurda como divertida.

El 15 de marzu va ser el turnu de El home mosca (Safety Last!, 1923), otru clásicu del cine mudu que contién una de les escenes más icóniques de la historia del cine: el protagonista colgáu de les aguyes d’un enorme reló na fachada d’un edificiu.

Les proyecciones recuperen l’esperiencia orixinal del cine mudu con música en direutu, onde’l pianu acompaña y dialoga coles imáxenes, ufriendo al públicu una manera especial de disfrutar d’estos clásicos del cine.