Pocos eventos combinen tan bien paisaxe, patrimoniu y creación contemporánea como ADAR.
El Festival pa’l Desarrollu de les Artes nel Medio Rural celebra la so quinta edición llevando la artesanía cultural d’Asturies al corazón de la naturaleza.

Durante dos selmanes, el paisaxe rural conviértese n’escenariu vivu: música de cámara, paisaxes sonoros, instalaciones visuales, danza, performance… Too tien cabida n’hórreos, caseríes, ilesies o monesterios que se tresformen n’espacios escénicos irrepetibles.

Dellos imprescindibles del programa:

5 d’agostu (Gozón) – Microconciertu en Susacasa Agrocultural, coles persones ganaores del Concursu d’Hórreos.

7 d’agostu (Llanes) – The Whale, espectáculu multidisciplinar con música en direutu ya instalación visual nel Monesteriu de San Antolín de Bedón.

8 d’agostu – Conciertu visual nel mesmu monesteriu, con proyeiciones ya iluminación sobre música clásica.

9 d’agostu (Casantos) – Paseo Sonoru en Leiguarda: itinerariu nocturnu ente hórreos ya ilesia, a la lluz de la lluna.

Del 11 al 15 d’agostu – Miniconciertos en escenarios rurales de Tinéu, Taramundi, Oscos y Corias.

16 d’agostu (Leiguarda) – Recital d’Andrea Casarrubios, compositora y chelista nomada a los Grammy 2025.

17 d’agostu (Leiguarda) – Clausura con conciertu en ilesia ya invernaderu, siguíu d’una espicha con sidra y empanada.

ADAR ye más que un festival: ye una esperiencia cultural inmersiva que xune arte, territoriu y comunidá.
Una cita imprescindible pa quien busque guapura, calma y emoción ente praos, piedra y silenciu.