Dende 1997, el Festival Intercélticu d’Avilés y Comarca vien medrando pasu ente pasu… ¡y con ritmu! Güei ye una Fiesta d’Interés Turísticu Rexonal, que tresforma la ciudá nun escenariu vivu pa celebrar les raigañes y tradiciones de les cultures celtes. ¿Cómo? Con música, danza, artesanía, gastronomía, teatru… y esi ambiente cargáu d’enerxía que hai que vivir pa entendelo.

Del 19 al 27 de xunetu, más de 300 artistes d’Irlanda, Escocia, Gales, Bretaña, Galicia y, como non, Asturies, van enllenar cais y places con conciertos, pasacalles, talleres, esposiciones y un mercáu celta difícil de resistir. Too ello en llugares tan emblemáticos como la Plaza Pedro Menéndez o el Palaciu de Valdecarzana.

Nel cartelu destaquen nomes como los míticos irlandeses Altan, la Orquesta Céltica Asturiana, bandes de gaites de Corvera y de Picos d’Europa, les espectaculares Highland Dancers d’Escocia, DJ Fon‑T, y el cantautor asturianu Héctor Braga, que presenta’l so últimu trabayu.

El festival entama’l 19 de xunetu colos Premios Gausón, siguíos d’un pasacalles y l’apertura oficial del mercáu celta. El 25 de xunetu habrá una receición oficial a tolos grupos nel Ayuntamientu d’Avilés.

El Festival Intercélticu d’Avilés y Comarca ye un viaxe vibrantre pol mundu celta: una esperiencia compartida que xune soníos ancestrales con creatividá contemporánea. Una cita pa tolos públicos.