El FICX celebra la so 63ª edición, afitáu como ún de los festivales de cine independiente más importantes d’España. Durante una selmana, Xixón convírtese nel puntu de xunta del meyor cine d’autor, con una programación que xunta grandes nomes del panorama internacional y nueves voces del cine contemporaneu.

Les sos seiciones —Albar, Retueyos, FICX Premiere, Generación Mutante y Enfants Terribles— acueyen llargometraxes, curtios y documentales de tolos rincones del mundu, amás d’alcuentros, charres y actividaes paraleles abiertes al públicu.
Reconocíu pola FIAPF como “festival competitivu especializáu”, el FICX caltién el so espíritu valiente, llibre y diversu: una cita imprescindible pa los amantes del cine y de la cultura n’Asturies.