La moza banda asturiana Staytons, que saltó al panorama nacional con namás dieciocho años, rompe’l so silenciu pa presentar un nuevu EP que funciona al empar como recordatoriu y anticipu de too lo que ta por venir.

Col propósitu de devolver la artesanía a la canción pop, estos maliayos construyen un soníu refináu y elegante, cultiváu na música negra y nel indie británicu, moviéndose con naturalidá ente estilos, colores y llingües.
Una propuesta fresca, sofisticada y honesta que confirma a Staytons como una de les bandes más prometedores de la so xeneración.