Dempués de dellos años de silenciu, el Stone Fest ta de vuelta… ¡y más ruidosu que nunca! Con cuatro ediciones a les espalles, el festival torna con un espírituu renováu y un cartelu más diversu, que xunta xéneros dende’l stoner y el sludge hasta’l black, death y grind metal, siguiendo la estela de grandes cites europees como Roadburn o Amplifest.

Nesta edición destaquen los franceses Mars Red Sky, un regalu pa los fans del stoner, xunto colos ingleses Ante Inferno y los alemanes Firtan, que van poner el llau más escuru del cartelu. Nun podíen faltar les bandes llocales: Totengott y Phoenix Cvlt, que van defender con orgullu’l talentu asturianu.

Dos díes intensos de música na capital asturiana con un oxetivu común: celebrar el poder brutu del direutu.