El Meidinerz Jazz Club tien l’honor de recibir a una auténtica lleenda del jazz de Nueva Orleans: el guitarrista y banxista Carl LeBlanc, acompañáu por Carlos Childe, tres el vermú de clausura del Jazz Xixón.

Nacíu nel míticu 7th Ward de Nueva Orleans, LeBlanc ye l’únicu músico que formó parte tanto de la Sun Ra Arkestra como de la Preservation Hall Jazz Band, xuniendo l’espíritu vanguardista del jazz más esperimental cola raigañu fonda del soníu tradicional de la so ciudá natal. A lo llargo de la so carrera collaboró con figures como Fats Domino, Bo Diddley, Allen Toussaint o The Blind Boys of Alabama, colos que ganó un Premiu Grammy en 2008.

Xunto a él, Carlos Childe —músicu, productor y divulgador fondamente vencelláu a la cultura de Nueva Orleans— aportará la so esperiencia y pasión nuna cita que promete ser ún de los momentos más especiales del añu nel Meidinerz: una oportunidá única pa disfrutar en directo del soníu y l’alma de Nueva Orleans.