La Primavera Barroca florez con Forma Antiqva, unu de los conxuntos más influyentes de la música antigua n’España. Baxo la direición y al clave de Aarón Zapico, presenten Los elementos (ca. 1705) de Antonio Literes, una xoya escénica del Barrocu español.

Participen Jone Martínez (Aire y Aurora), Lucía Caihuela (Tierra y Tiempu), Pilar Alva-Martín (Fueu) y Soraya Méncid (Agua), dando vida a una alegoría musical onde naturaleza, mitu y emoción entemécense con frescura teatral.

Creáu en Llangréu hai más de dos décades polos hermanos Zapico, Forma Antiqva combina rigor históricu y espíritu contemporaneu. Habituales n’escenarios como’l Teatro Real o’l Auditorio Nacional de Música**, destaquen pola cohesión, la calidá y la valentía de les sos propuestes.

Una cita pa vivir el Barrocu ensin polvu nin peluques: música que respira, arde, flúi y late.