Pumarín: territoriu artísticu ye un programa d’arte comunitariu que propón trabayar col barriu dende la creación artística compartida, la cultura popular y el bienestar colectivu. Dirixíu a xente moza ente 16 y 30 años

Xueves, 12 de febreru · 18:30 h. Taller creativu Asociación Branque (Pumarín)

Taller impartíu por Dido Carrero, artista ya investigadora que conecta na so práctica l’arte contemporaneu, la ciencia y la mediación cultural. Una primer sesión pensada p’activar el procesu colectivu y xenerar un espaciu d’alcuentru y intercambiu ente les persones participantes.

Vienres, 13 de febreru · 18:00 h. Xornada pública

Conversación colectiva con Dido Carrero, Elise Florentino, Julia Sousa y La Bambi, moderada por Candela Guerrero, alredor del arte comunitariu, la creación situada y el bienestar.

La xornada zarrará con una performance de La Bambi, centrada nel cuerpu, la identidá y la rellación col espaciu.

Febreru – mayu. Llaboratorios artísticos mensuales

Ciclu de llaboratorios de creación colectiva nos que s’esplorarán distintos llinguaxes artísticos —muralismu, audiovisual, performance, ilustración— dende una metodoloxía participativa y con un fuerte enfoque de cuidaos.

29 y 30 de mayu · Xornada final. Recorríos artísticos per Pumarín

Presentación pública de les pieces, intervenciones y aiciones desenvueltes a lo llargo del proyeutu, concebida como una devolución al barriu y una celebración comunitaria.