Esti branu, Cines Foncalada presenta Histories que nos xunen, un ciclu de cine que recueye cinco títulos contemporáneos que exploren realidaes diverses dientro de la comunidá LGTBIQ+. Organizada en collaboración con XEGA y elDiario.es Asturies, la propuesta convida al públicu a vivir el cine como un espaciu de reflexión, diálogu y celebración de la diversidá.

Dempués de cada proyeición, va haber un alderique con activistes, profesionales de la cultura y representantes del ámbitu social y políticu.

Películes programaes:

Too saldrá bien (Ray Yeung), ¿Quién quier casase con un astronauta? (Marta Romero Coll), Los axitadores (Marco Berger), The People’s Joker (Vera Drew), La amiga de la mio amiga (Zaida Carmona)

Una escoyeta de películes valientes y reflexives que ufren nuevos puntos de vista y fomenten el diálogu compartíu.

Entrada xeneral: 3 €. Aforu llimitáu.