Gran implicación de La Corredoria nel camín pola Capitalidá Europea de la Cultura 2031

Esti miércoles les meses de participación ciudadana celebráronse nel centru social d’El Cortijo, na Corredoria. Esti ye’l barriu más mozu de la comunidá autónoma, bien concienciáu cola diversidá cultural, yá qu’acueye’l mayor númberu de nacionalidaes n’Asturies, con unes 45 representaes.

L’oxetivu d’estes xuntes, que son espacios d’escucha activa y diálogu, ye siguir avanzando nel camín pola capitalidá europea de la cultura.

Los vecinos de la Corredoria demostraron ser un barriu bien participativu, abiertu al diálogu, con ganes de compartir el so tiempu cola comunidá. Tán arguyosos del so barriu, saben qué tipu d’espaciu quieren y cómo quieren que seya.

Dende la Capitalidá Europea de la Cultura búscase una ciudadanía implicada que sofite a los creadores llocales y proyeute la so identidá al restu d’Europa, siempres poniendo a les persones nel centru d’esti procesu.