La candidatura Uviéu 2031 presenta a la so direición artística en mediu d’una gran unidá
L’espaciu Kuivi, n’Almacenes Industriales, acoyó’l miércoles 26 de marzu la presentación de la direición artística de la candidatura d’Uviéu a Capital Europea de la Cultura, a cargu de Natalia Álvarez Simó. Al actu asistieron representantes del Principáu d’Asturies, de la Universidá d’Uviéu y de los conceyos de Xixón, Avilés y Siero, amás de más d’un centenar d’axentes culturales rexonales.
El conceutu d’esta candidatura xira al rodiu de la idea de xunir tol territoriu asturianu.
Dirixida por Rodolfo Sánchez, la candidatura vertebraráse en conceutos como la propia ciudá, la rexón y un modelu qu’afite l’accesu, la participación y el disfrute de la cultura en condiciones d’igualdá, que refuerce la cohesión social y que sofite al texíu creativu y cultural.
“Tenemos tolos elementos necesarios pa consiguilo: un gran equipu; la unidá de toles instituciones asturianes, una gran fuerza de creación cultural y un gran patrimoniu que se fai más grande si sumamos les programaciones de tolos conceyos”, aseguró l’Alcalde d’Uviéu, Alfredo Canteli.
