La Fundación Ópera súmase a la candidatura d’Uviéu 2031 na FIDMA

El puestu d’Uviéu na Feria Internacional de Muestres d’Asturies acoyó la presentación de la 78ª Temporada d’Ópera, nun actu presidíu pol alcalde en funciones, Mario Arias, y el presidente de la Fundación Ópera d’Uviéu, Juan Carlos Rodríguez-Ovejero, xunto a representantes de la Fundación Ópera y autoridaes municipales.

Arias destacó que la ópera ye “patrimoniu, educación, economía y motivu d’arguyu coleutivu”, recordando qu’en 2025 cúmplense 78 temporaes ensin interrupción dende que’l Conceyu impulsara esta cita cultural tres la reconstrucción del Teatru Campoamor en 1948. Sorrayó, amás, qu’esta temporada coincide col “pistoletazu de salida” de la candidatura a Capital Europea de la Cultura 2031, onde la música ye ún de los pilares fundamentales.

Celestino Varela, direutor artísticu, reafirmó’l compromisu de la Fundación cola candidatura y presentó una programación que combina clásicos de tres sieglos de tradición con nueves propuestes escéniques y elementos de creación audiovisual, col envís de caltener vivu l’anovamientu y el alderique cultural.