La programación cultural d’iviernu de la FMC va tener una fonda perspeutiva europea

El stand d’Oviedo na Feria Internacional de Muestras d’Asturies (FIDMA), dedicáu a la candidatura a Capital Europea de la Cultura 2031, acoyó la presentación del programa de la Fundación Municipal de Cultura (FMC) pal últimu cuatrimestre del añu. L’alcalde en funciones, Mario Arias, soblinié que la ufierta, que abrangue música, cine, artes visuales y festivales, “refuerza’l papel d’Oviedo como referente cultural n’España y n’Europa” y contribúi a “posicionar la ciudá como creativa, abierta ya innovadora” nel marcu de la candidatura 2031.

Nel actu participaron los responsables de cada ciclu: José Castellano (La Noche Blanca), Marta Fermín (Selmana Profesional del Arte), Gonzalo García-Conde (Vetusta Jazz), Pablo de María (SACO y RADAR) y, per videoconferencia, Cristina Gestido (Ciclu Interdisciplinar de Música de Cámara, CIMCO).

Ente les actividaes destaquen:

La Noche Blanca (4 d’ochobre), con más de 40 propuestes artístiques de baldre en espacios singulares.

Selmana Profesional del Arte (finales d’ochobre), con esposiciones y actividaes en museos, espacios públicos y la Fábrica d’Armes.

SACO y RADAR, programación audiovisual con fuerte presencia de cine européu.

Vetusta Jazz, con un cartelu internacional y actividaes en barrios y cais.

CIMCO, que va abrir el 18 de setiembre col prestixosu Trío Arbós.

La FMC apuesta asina por una programación diversa y de calidá que, en pallabres d’Arias, “tiende puentes con Europa y refuerza’l compromisu d’Oviedo cola cultura como motor social y económicu”.