L’Equipu de la Capitalidá axúntase con representantes de la Fundación Ópera d’Uviéu y de la compañía infantil La Federica
L’equipu d’Oviedo 2031, Capital Europea de la Cultura, axuntóse esta mañana na sede de la Fundación Ópera de Oviedo col so direutor artísticu, Celestino Varela, y con Maite García Heres, fundadora y direutora de la compañía musical infantil La Federica.
Nel alcuentru, los representantes de la candidatura pudieron conocer de primera mano’l proyectu d’esta compañía, que dende 2018 adapta y anueva óperes pa acercales al públicu infantil. Anguaño, La Federica ta trabayando nuna nueva versión de Carmen. “Ye una visión feminista ambientada na dómina previa al votu de la muyer que, tres d’un intensu diálogu colos adolescentes de la compañía, quier tresmitir un mensaxe real: l’amor nun ye enxamás un sacrificiu”, esplicó García Heres.
Ún de los oxetivos compartíos d’esta collaboración ye abrir el mundu de la ópera a públicos más amplios y diversos, especialmente a la reciella y la mocedá, reforzando asina’l vencellu de la cultura coles nueves xeneraciones.
