Oviedo avanza nel proyectu que va tresformar l’antiguu Palaciu de los Neños na futura Casa de les Artes
Oviedo da un pasu más n’el proyectu que va tresformar l’antiguu Palaciu de los Neños, nel Parque d’Iviernu, na futura Casa de les Artes, ún de los elementos clave de la candidatura a Capital Europea de la Cultura 2031. La propuesta contempla un espaciu cultural contemporaneu con tres sales d’ensayu, dos auditorios —ún interior con capacidá pa 300 persones y otru esterior— y zones destinaes a residencies artístiques, abiertes a creadores llocales y a artistes que puedan venir d’otros territorios o países.
La intervención va dar solución a necesidaes históriques d’agrupaiciones como la Oviedo Filarmonía, la Banda de Gaites “Ciudá d’Uviéu” y la Banda de Música “Ciudá d’Uviéu”, que por fin van disponer d’espacios adecuados y estables pa desendolcar la so actividá. L’edificiu va tar tamién disponible pa cualesquier colectivu que precise un llugar onde ensayar, investigar o crear.
La asistencia téunica encargóse al estudiu internacional B720 Fermín Vázquez Arquitectos, conocíu por obres como la nueva estación de Chamartín —premiada nos International Architecture Awards 2024—, el hub del Puertu de Barcelona o la futura estación intermodal de Xixón. La so esperiencia n’innovación y sostenibilidá va marcar el diseñu d’un espaciu inspiráu en referentes europeos como la Casa da Música de Porto o la Cité de la Musique de París.
La futura Casa de les Artes aspira a convertise n’un puntu d’alcuentru pa la creación contemporánea y n’un símbolu de la Oviedo que mira a 2031: una ciudá abierta, creativa y preparada pa proyeutar la so enerxía cultural en Europa.
