Con más de seis décades d’historia, el FICX consolidóse como ún de los festivales de cine independiente más relevantes del panorama nacional ya internacional. Na so 63 edición, y a lo llargo del mes de payares, Xixón volverá ser puntu d’alcuentru pa quien ama un cine que arriesga, emociona y propón nueves maneres de mirar al mundu.

El FICX apuesta por películes auténtiques, valientes y personales, munches de les cualos difícilmente lleguen a les sales comerciales o a les plataformes dixitales. Ye un festival que descuebre xoyes ocultes y ufierta una esperiencia cinematográfica única, con histories que esploren lo íntimu, lo social y lo universal.

Nesti tiempu marcáu pola saturación de conteníos, el FICX responde con calidá, criteriu y compromisu. Frente a la despersonalización, aposta pola cercanía; frente a la competencia, impulsa la collaboración y la sostenibilidá. Y too ello ensin etiquetes nin moldes, en favor d’un cine llibre y fondamente humanu.

El Festival de Cine de Xixón ye presente, pero tamién futuru: una celebración del cine honestu y tresformador, que xune xeneraciones y cultures dende la mariña cantábrica.