La Nueche Blanca ye una gran cita cultural que naz en París en 2002 y, dende entós, inspiró a numberoses ciudaes del mundu a entamar la so propia edición. El so ésitu ta nuna idea sencilla, pero poderosa: averar l’arte y la cultura contemporánea a tola ciudadanía, nuna nueche única, de baldre y abierta a tolos públicos.

L’oxetivu d’esta celebración ye facer accesible la creación artística actual, los nuevos llinguaxes y disciplines culturales, apostando pola innovación, la participación ciudadana, la sostenibilidá, l’avanzada, y too ello con una mirada europea. Les Nueches Blanques comparten, amás, l’usu creativu d’espacios singulares o poco accesibles nel restu del añu, y fomenten l’intercambiu d’esperiencies y la proyeición internacional d’artistes llocales.

Uviéu xunióse a esta rede global en 2013 y, dende entós, convirtió La Nueche Blanca nún de los momentos culturales más esperaos del añu. En ochobre de 2025 celebraremos la so decimotercer edición. Una nueche pa descubrir, sorprender, alcontrase y vivir la ciudá dende la cultura.