LINK ye un espaciu d’alcuentru ente los llinguaxes artísticos más avanzaos, la ciudá y los sos habitantes. Un Circuitu d’Esperiencies Culturales Insólites que tresforma Uviéu nun llaboratoriu creativu onde la tecnoloxía, l’arte y la sociedá dialoguen ensin fronteres.

Mientres un fin de selmana, producciones musicales, instalaciones audiovisuales, realidá virtual, 3D, metaversos, cine 360º o realidá aumentada creen una rede d’esperiencies immersives que mos ayuden a comprender la cabera revolución tecnolóxica, reflexonar sobre la sociedá contemporánea y abrir caminos a nueves formes de creación y collaboración profesional.

Creáu en 2020, LINK ye un festival híbridu y múltiple, con un formatu que va del muséu d’arte modernu al parque d’atracciones. Na so programación, cuidada y valiente, conviven artistes consolidaos y talentos emergentes. LINK esborrina les fronteres ente creadores y públicu al traviés del arte colectivu y la participación ciudadana, al empar que ufierta formación per mediu de talleres y master classes. Too ello baxo los principios de gratuidá y sostenibilidá.

Del 30 d’agostu al 1 de setiembre, el recintu de la Fábrica d’Armes de La Vega va volver ser escenariu d’esta esperiencia única que redefine la nuesa forma de mirar al arte, la tecnoloxía y el futuru.