Muyeres Fest ye un festival multidisciplinar entamáu por Ye Too Ponese: Espaciu pa la xestión d’inéditos viables. Nesti 2025 celebra la so ochava edición, afitándose como un espaciu de referencia pa la cultura feita por muyeres n’Asturies. Una gala al más puru estilu José Luis Moreno… pero moderna y guapina, claro.
Los sos oxetivos son:
– Visibilizar y celebrar los proyectos culturales lideraos por muyeres asturianes en delles disciplines artístiques.
– Sofitar y empoderar a muyeres que tán entamando iniciatives culturales nueves.
– Reivindicar avances n’igualdá y xusticia social dende una perspectiva lúdica y creativa.
– Tejer redes de sofitu ente muyeres del sector cultural.
Y, por supuestu… ¡pasalo bien!
