Con casi ochenta años de ciclu ensin interrupciones, la temporada que la Fundación Ópera d’Uviéu entama cada añu nel Teatru Campoamor ye una de les más consolidaes y prestixoses del país.
Cuenta con una media de 30.000 espectadores al añu y realiza coproducciones colos principales teatros llíricos del circuitu internacional. Dende los míticos Alfredo Kraus, Montserrat Caballé o Luciano Pavarotti hasta les grandes estrelles actuales de la lírica mundial, les tables del Campoamor amuesen lo meyor del xéneru llíricu y reciben públicu de tolos rincones d’España y del mundu.

La Ópera d’Uviéu cuida de forma especial el so proyectu social y educativu, realizando cada temporada una media de sesenta actividaes, ente elles espectáculos familiares, conciertos de baldre nes zones rurales, proyecciones en pantalla xigante o iniciatives con coleutivos vulnerables. Ye la única temporada n’España que cuenta con una compañía d’ópera infantil residente.

La temporada recibió una ventena de premios nacionales ya internacionales pola so actividá, produzó dos estrenos mundiales d’ópera contemporánea, y tien ente los sos reconocimientos la Medaya d’Oru de la Ciudá d’Uviéu y el Premiu Nacional de los Teatros Llíricos a la Meyor Institución Española.