Vetusta Jazz naz en 2021 cola vocación d’añedir un espaciu nuevu pal xaz dientro del prestíu musical d’Uviéu, cubriendo un vacíu históricu na so programación cultural. Con sede nel emblemáticu Teatru Campoamor, el ciclu apuesta por una programación cuidada, cercana y con calter propiu, que busca atraer a grandes figures del xéneru con propuestes singulares y feches a midida.

En namás cuatro ediciones, celebraes cada primavera, Vetusta Jazz consolidóse na escena nacional gracies a la presencia d’artistes de primer nivel como Paquito d’Rivera, Eliane Elias, Toquinho, Cecile McLorin Salvant, Chano Domínguez, Richard Bona & Alfredo Rodríguez, Hamilton de Holanda, Yamandú Costa, Javier Colina, Joan Chamorro & Sant Andreu Jazz Band o Estrella Morente.

El xaz volvió sonar con fuercia na ciudá, y Vetusta Jazz forma yá parte del engranaxe cultural que mueve Uviéu.