Uviéu 2031 va defender la so candidatura en Madrid ante’l comité d’espertos el próximu 11 de marzu
El próximu 11 de marzu, Uviéu va dar un pasu decisivu nel so camín escontra la Capitalidá Europea de la Cultura 2031. L’equipu de la candidatura va desplazase a Madrid pa defender el proyectu ante’l comité d’espertos que va decidir qué ciudaes superen esti primer corte y sigan nel procesu de selección definitiva, que se va conocer a finales de 2026.
Los diez integrantes del equipu que van asumir la defensa del proyectu son:
Alfredo Canteli Fernández, alcalde d’Uviéu.
Vanesa Gutiérrez González, conseyera de Cultura del Principáu d’Asturies.
Rodolfo Sánchez Farpón, director de la candidatura.
Natalia Álvarez Simó, directora artística de la candidatura.
Zoe López Mediero, coordinadora territorial de la candidatura.
Carlos López Otín, miembru del comité de la capitalidá de la candidatura.
Jesús Neira Piñeiro, miembru del equipu de la candidatura.
Jorge Avelino Fernández León, comisariu de la candidatura.
Marta Fernández Silverio, comisaria de la candidatura.
Antonia Blau, responsable de la dimensión europea de la candidatura.
Amás, va tar presente como técnicu de la candidatura José Castellano, programador cultural.
La defensa del proyectu ye’l resultáu d’un procesu de preparación intensu y coordináu que contó col acompañamientu d’especialistes nacionales y europeos. Hai que destacar la importante aportación na preparación del equipu de Mónica Cofiño, comisaria de la candidatura, asina como de los espertos europeos Cristina Farinha, Paula Mota y Franco Bianchini. Nesti trabayu previu tamién participó Pepe Mompeán, collaborando colos espertos internacionales na preparación estratéxica de la defensa.
Nos últimos meses sucediéronse xuntes, sesiones de trabayu, análisis técnicos y ensayos con un oxetivu claro: treslladar al xuráu un proyectu sólidu, participativu y con vocación tresformadora pa Uviéu y pa tol territoriu asturianu. La candidatura afronta esta etapa con una convicción firme, la cultura ye motor de tresformación.
