Uviéu fai porque los sos vecinos participen na candidatura a Capital Europea de la Cultura

Uviéu da un pasu más nel camín hacia la candidatura a Capital Europea de la Cultura 2031. Nos distintos barrios de la ciudá organizáronse meses sectoriales col oxetivu de que los vecinos, coleutivos y axentes sociales participaran na construcción d’un proyeutu qu’espeye la so diversidá. Ayeri, 19 de mayu, a les 18:00 hores, celebróse la primer sesión nel centru social del Vallobín, na que Pepe Mompeán, coordinador de la candidatura, recordó que «lo que construyimos en consensu y collaboración col nuesu territoriu ye lo que suma daveres».

Nestos alcuentros tratáronse temes como les necesidaes culturales y sociales de cada barriu, la descentralización de la cultura y la creación de sinerxes. Dende l’Ayuntamientu queremos dar les gracies a tolos que participaron ayeri nesta iniciativa y animámoslos a espardela pa convertir a Uviéu nun referente cultural, poniendo los sos habitantes nel centru.