Xixón acueye con entusiasmu la presentación del proyeutu d’Uviéu, Capital Europea de la Cultura 2031

L’Antiguu Institutu de Xixón acoyó ayeri, 26 de febreru, la presentación de la candidatura d’Uviéu pa ser Capital Europea de la Cultura en 2031, actu dirixíu pol so coordinador, Pepe Mompeán, y la so direutora artística, Natalia Álvarez Simó. Ambos esplicaron a los presentes la importancia d’incorporar a tola rexón nesti compromisu. Esta foi la primera de les meses sectoriales, nesti casu pal texíu cultural y creativu, celebrada fuera de la capital. “Nun va ser, nin muncho menos, la única”, adelantó Mompeán.

Convencíos de que “tenemos los ‘banzos’, y talentu y potencial tamién pa consiguilo”, los asistentes recibieron la misión, por parte d’Álvarez Simó, de “ser embaxadores” d’esta candidatura.