Xunta de trabayu colos comisarios pa revisar l’avance del bidbook d’Oviedo 2031

La selmana pasada celebróse una xunta de coordinación colos comisarios del proyeutu, un alcuentru pensáu pa compartir los avances en cada área y reforzar la visión conxunta de la candidatura. L’oxetivu yera garantizar que toles persones implicaes conocieren en qué puntu ta’l trabayu y cómo encaxa cada pieza nel conxuntu.

Ún de los fitos más importantes ye que yá ta completu’l primer borrador del bidbook, el documentu central sobre’l que se construye la candidatura d’Uviéu a Capital Europea de la Cultura 2031.

Nesti momentu, l’equipu de diseñu revisa la estructura pa axustar conteníos, valorar posibles recortes y seleicionar les imáxenes que van ilustrar cada capítulu. Al empar, tamién se ta trabayando na traducción al inglés, un pasu imprescindible pa la so presentación énte’l xuráu europeu. El retu agora ye condensar tol proyeutu nun máximu de 60 páxines ensin perder claridá nin ambición.

El calendariu marca agora un momentu clave: el bidbook tien d’entregase en avientu. Tres esa entrega, tocará desplazase a Madrid pa defender la propuesta énte’l comité evaluador, que decidirá qué ciudaes pasan a la primer fase del procesu de seleición.