Uviéu 2031 va defender la so candidatura en Madrid énte’l comité d’espertos el próximu 11 de marzu
El próximu 11 de marzu, Uviéu va dar un pasu decisivu nel so camín escontra la Capitalidá Europea de la Cultura 2031. L’equipu de la candidatura va desplazase a Madrid pa defender el proyeutu énte’l comité d’espertos que va decidir qué ciudaes superen esti primer corte y siguen nel procesu de seleición definitiva, que se va conocer a finales de 2026.
Los diez integrantes del equipu que van asumir la defensa del proyeutu son:
Alfredo Canteli Fernández, alcalde d’Uviéu.
Vanesa Gutiérrez González, conseyera de Cultura del Principáu d’Asturies.
Rodolfo Sánchez Farpón, direutor de la candidatura.
Natalia Álvarez Simó, direutora artística de la candidatura.
Zoe López Mediero, coordinadora territorial de la candidatura.
Carlos López Otín, miembru del comité de la capitalidá de la candidatura.
Jesús Neira Piñeiro, miembru del equipu de la candidatura.
Jorge Avelino Fernández León, comisariu de la candidatura.
Marta Fernández Silverio, comisaria de la candidatura.
Antonia Blau, responsable de la dimensión europea de la candidatura.
Amás, va tar presente como téunicu de la candidatura José Castellano, programador cultural.
La defensa del proyeutu ye’l resultáu d’un procesu de preparación intensu y coordináu que contó col acompañamientu d’especialistes nacionales y europeos. Hai que destacar la importante aportación na preparación del equipu de Mónica Cofiño, comisaria de la candidatura, asina como de los espertos europeos Cristina Farinha, Paula Mota y Franco Bianchini. Nesti trabayu previu tamién participó Pepe Mompeán, collaborando colos espertos internacionales na preparación estratéxica de la defensa.
Nos últimos meses socediéronse xuntes, sesiones de trabayu, análisis téunicos y ensayos con un oxetivu claru: treslladar al xuráu un proyeutu sólidu, participativu y con vocación tresformadora pa Uviéu y pa tol territoriu asturianu. La candidatura enfrenta esta etapa con seguranza firme, la cultura ye motor de tresformación.
