¿Cuántes histories guarda una fotografía? ¿Qué nos cuenten los álbumes familiares sobre los llugares onde vivimos? Huellas convida a les vecines y vecinos de Buenavista y La Corredoria a participar nun procesu de creación colectiva que utiliza la fotografía como ferramienta pa recuperar recuerdos, compartir esperiencies y construyir nueves miraes sobre los barrios.

Impulsáu pola candidatura d’Uviéu a Capital Europea de la Cultura 2031 dientro del programa Puxa el Barrio. Arte que habita, el proyectu ta coordináu poles fotógrafes y mediadores artístiques Irma Collín y Ainhoa Valle, especializaes en fotografía participativa y memoria comunitaria.

Al traviés de distintos alcuentros y talleres, les persones participantes van trabayar con fotografíes familiares, archivos personales y recuerdos venceyaos al so entorno cotidianu pa crear un mapa visual y emocional de los barrios. El proyectu busca poner en valor les pequeñes histories que formen parte de la memoria colectiva d’Uviéu, favoreciendo amás l’alcuentru interxeneracional, la participación cultural y el fortalecimientu de los venceyos comunitarios.

La iniciativa va continuar dempués del branu cola creación d’una esposición final que recoyerá parte del trabayu desarrolláu a lo llargo del procesu.