Asturies acoyerá del 18 al 21 de xunu la XVIII edición del Festival Internacional de la Mázcara Ibérica (FIMI), ún de los principales alcuentros dedicaos a les tradiciones enmascaraes de la Península Ibérica. Per primer vegada dende la so creación, el festival va celebrase fuera de Portugal, con actividaes repartíes por distintos puntos del territoriu asturianu.

La programación inclúi esposiciones fotográfiques, conferencies, conciertos, talleres artesanales, proyecciones audiovisuales y alcuentros alredor de les mascarades tradicionales y del so papel como patrimoniu cultural compartíu. El momentu central va ser el gran desfile de mázcares ibériques que va percorrer les cais d’Uviéu el 20 de xunu, xuntando grupos procedentes d’España, Portugal y otros países europeos.