Alcuentru en San Sebastián de les ciudaes candidates a Capital Europea de la Cultura

Representantes d’Uviéu asistieron al alcuentru convocáu en San Sebastián pol Ministeriu de Cultura, nel que s’esplicaron a les ciudaes candidates a Capital Europea de la Cultura 2031 les directrices principales del procesu. A lo llargo del alcuentru abordáronse los criterios téunicos y artísticos necesarios pa optar al títulu, asina como les condiciones específiques que se deben cumplir en caúna de les fases de la candidatura.

Esti alcuentru tamién permitió que les ciudaes candidates compartieren esperiencies y plantegaren entrugues sobre les bases del procesu, consiguiendo información valiosa pa la preparación de los sos proyeutos respeutivos. Uviéu destacó la so intención firme de siguir trabayando nuna candidatura sólida, que combine’l so patrimoniu históricu, la so vibrante axenda cultural y la implicación de la comunidá llocal y rexonal pa posicionase como un fuerte aspirante al títulu.