Apoyu de la Xunta Xeneral del Principáu a la candidatura d’Uviéu a Capital Europea de la Cultura 2031
La candidatura d’Uviéu a Capital Europea de la Cultura 2031 avanza con pasu firme. El presidente de la Xunta Xeneral del Principáu, Juan Cofiño, aconceyó’l día 23 d’abril col alcalde de la ciudá, Alfredo Canteli, pa conocer los detalles del proyeutu que tienen en danza. Tres de la xunta, Cofiño anunció que va llevar al parllamentu asturianu una propuesta pa que los diputaos apoyen esta iniciativa, destacando la so importancia pa tol territoriu de la comunidá autónoma.
El sofitu de Juan Cofiño xúnese al que yá espresaron el Gobiernu del Principáu, la Federación Asturiana de Conceyos y los conceyos de Xixón, Avilés, Sieru, Mieres y Llangréu.
