El puestu del Conceyu d’Uviéu na Feria de Muestres recibió más de 42. 000 visites

Los casi 100 metros del stand del Conceyu d’Uviéu na Feria de Muestres d’Asturies recibieron nesta edición daqué más de 42.000 visites dende la so apertura al públicu, concretamente 42.257 visites. El puestu d’Uviéu, que nesta ocasión tuvo íntegramente dedicáu al proyeutu de Capitalidá Europea de la Cultura 2031, recibió miles de visites que pudieron participar na encuesta interactiva preparada pa que la ciudadanía pudiera aportar suxerencies y meyores na programación cultural de la ciudá. En total rexistráronse 11.376 encuestes, amás de casi 600 vídeos de sofitu a la candidatura d’Uviéu a esti reconocimientu européu.

Caldía, desarrolláronse nel puestu presentaciones de les fortaleces culturales y identitaries de la ciudá pa xuntase a esti procesu, como’l ciclu de Conciertos del Auditoriu o les Xornaes de Pianu, la programación añal de la OFIL, la Temporada d’Ópera, los conciertos de San Mateo, el programa del Desarme, les actividaes culturales del últimu cuatrimestre del añu o’l Festival LINK, que va abrir les sos puertes l’últimu fin de selmana d’agostu. El puestu d’Uviéu recibió la visita, amás, de diverses instituciones, como la Cruz Roja, l’Uviéu Balonmanu y representantes del gobiernu autonómicu, amás del presidente del Executivu asturianu, Adrián Barbón, que tamién quixo dexar constancia del so firme compromisu cola capitalidá cultural d’Uviéu con un vídeu de sofitu.

El día grande foi’l pasáu sábadu 16 d’agostu, cola celebración del Día d’Uviéu, nel que participó una comitiva de la corporación municipal, cola participación de tolos grupos políticos, encabezada pol rexidor Alfredo Canteli.