El Meidinerz Jazz Club recupera ún de los sos formatos más especiales con un nuevu cine-conciertu en direuto a cargu de César Latorre, una propuesta onde música y cine xúntense pa crear una esperiencia única.

La película escoyida ye Go West (1925), una de les obres más delicades de Buster Keaton. Nella, un mozu desorientáu que nun alcuentra’l so sitiu na ciudá acaba llegando a un rancho del oeste, onde se convierte nun vaqueru tan improbable como entrañable.

Lloñe del humor más espectacular d’otres comedies del cine mudu, la cinta destaca pola so poesía, la so ternura y un humor sutil que mestura lo absurd con lo fondamente humanu.

Mientres la proyeición, César Latorre pondrá música en direuto al pianu, creando un diálogu continuu ente imaxe y soníu que convierte cada pase nuna esperiencia distinta.

Una oportunidá pa redescubrir el cine mudu en direuto, nun club y cola emoción de la improvisación.