Llangréu ufierta’l so sofitu a la candidatura d’Uviéu a Capital Europea de la Cultura 2031

L’alcalde de Llangréu, Roberto García, güei, lunes 24 de marzu, sofitó dafechu a la candidatura d’Uviéu a Capital Europea de la Cultura en 2031. Fíxolo na entrevista que caltuvo col alcalde d’Uviéu, Alfredo Canteli.

El primer edil uvieín acudió al conceyu llangreanu, acompañáu pol direutor de la Candidatura, Rodolfo Sánchez, y espunxo al alcalde Roberto García los rasgos xenerales del proyeutu, destacando la so vocación de ser una apuesta de toa Asturies, y non namás de la capital.

Nel alcuentru quedó claru’l compromisu de dambos alcaldes y la so apuesta por proyeutos de dimensión rexonal que puedan ser beneficiosos pa tolos asturianos.