Máximu sofitu d’Avilés a la Candidatura d’Uviéu a Capital Europea de la Cultura 2031

L’Alcalde d’Uviéu, Alfredo Canteli, presentó güei, 3 de marzu, nel Conceyu d’Avilés, el proyeutu de candidatura d’Uviéu como Capital Europea de la Cultura en 2031. El primer edil aconceyó cola Alcaldesa d’Avilés, Mariví Monteserín, pa esplica-y los puntos clave y oxetivos d’esta iniciativa, na que “hai que trabayar con muncha seriedá y adautanos a lo que realmente quier Europa”. Enfotáu y esperanzáu, el primer edil agradeció’l sofitu d’Avilés y solicitó “la collaboración de tolos conceyos d’Asturies pa poder consiguilo”.

L’Alcaldesa avilesina, Mariví Monteserín, amestó: “Uviéu tien un plantegamientu afayadizu nel sen de que quier cuntar col restu de ciudaes y con toa Asturies, incluyíu’l mesmu Principáu, lo que me paez un proyeutu afayadizu que tien munches posibilidaes de trunfar baxo los parámetros d’Europa”. Na so opinión, les tres grandes ciudaes del Principáu axunten “una cantidá d’infraestructures, d’inversión cultural y de gastu corriente en Cultura mui perriba de la media de les ciudaes del nuesu tamañu. Equí tamos p’ayudar. Nun competimos, complementámonos”.